വെള്ളിയാഴ്ച സായിപ്പിന്‍റെ ഡെയിലി സ്ക്രം ചൊറിയും ആട്ടും  വാങ്ങിച്ചു മിക്കവാറും അപ്പീസീന്ന് ഇറങ്ങുമ്പോ ... ചന്ദ്രന്‍ ചേട്ടന്‍ പല്ലും ഇളിച്ചു മാനത്ത് വന്നു നില്‍പുണ്ടാവും ... പിന്നെ ക്യാബിനു കാത്തുനിന്നു... ക്യാബ് വരുമ്പോ ...കയറി ഇരുന്നു സീറ്റ് ബല്‍റ്റും ഇട്ടു .. കണ്ണും അടച്ചു ഞാന്‍ ചെയിത തല്ലുകൊള്ളിത്തരങ്ങളും കുരുകുരുത്തകേടുകളും ... സകല ദൈവങ്ങളേം വിളിച്ചു... "ഈ വണ്ടീന്ന് ഇറങ്ങിയാ ആ നിമിഷം മുതല് നുമ്മ ഡീസന്റായിരിക്കും....നിങ്ങളാരും ആരും ഒന്നും മനസ്സില്‍ വെക്കരുത്...പ്ലീസ് .... ഇത്തവണത്തേക്ക് ഷെമി ! പ്ലീസ് പ്ലീസ് പ്ലീസ് " പറഞ്ഞു .... നാളെ രാവലെ മനോരമാ ന്യൂസില് ... ഫ്ലാഷ് ന്യൂസ്....... >> ദേശിയ പാതയില്‍ കാറും പാണ്ടി ലോറിയും കൂട്ടിയിടിച്ചു യുവതിയും ഡ്രൈവറും സെക്യൂരിറ്റി ചേട്ടനും തല്‍ക്ഷണം വടിയായി >>..... അങ്ങനെ അങ്ങനെ മൂക്കി പഞ്ഞീം വെച്ച് പെട്ടീല്‍ വീട്ടിലേക്കു കൊണ്ട് പോകുന്ന സീന്‍ ആകുമ്പോ വീട്ടിന്‍റെ മുന്നില്‍ കൊണ്ട് വന്നു ലവന്‍ ബ്രേക്ക് ചവിട്ടി... കുറച്ചു ദൂരെ കൊണ്ട് നിര്‍ത്തും.... door അടച്ചിട്ട്‌ ... മേത്തോട്ട് നോക്കിയാല്‍ ... മൊത്തം goosebumbs ആയിരിക്കും goosebumbs .. കാരണോണ്ട് .... രാവലെ രണ്ടു ഓട്ടോയും ഒരു ബസും പിടിച്ചു രണ്ടു മണിക്കൂര് കൊണ്ട് അങ്ങോട്ട്‌ പോയ എന്നെയാ കൃത്യം ആറു മിനിട്ട് പത്തൊന്‍പതു സെക്കന്‍റില്‍ വീട്ടില്‍ എത്തിച്ചത്......

അമ്മ വന്നു കതകു തുറക്കുന്ന പാടെ .. ബാഗ് couchലേക്ക് എറിയുന്നു .... ടാഗ് ഡൈനിംഗ് ടേബിളിലേക്ക് എറിയുന്നു........ വാച്ച് dasktop tableലേക്കെറിയുന്നു .... നേരെ നമ്മടെ വീട്ടിലെ പ്രസവ വാര്‍ഡായ മേശയുടെ അടിയിലേക്ക് കുനിഞ്ഞു... ... അവിടെ പെറ്റു കിടക്കുന്ന സോണി പെണ്ണിനെ ഒന്ന് തൊട്ടു തലോടി മയക്കി അവള്‍ടെ ഏകജാതനായ മോനെ പതിയെ എടുത്തു കൊണ്ട് എണിറ്റു കുഞ്ഞാവയെ ഒരു കണ്ണ് പരിശോധനക്ക് വിധേയനാക്കും ...

 “നായിന്‍റെ മോനെ ലവള് പെറ്റിട്ട് ദിവസം പത്തായി ഇതു വരെ കണ്ണ് തുറന്നിട്ടില്ല... നാളേങ്കിലും കണ്ണ് തുറക്കണം കേട്ടോടാ...” ന്നു ഒരു അന്ത്യശാസനം ഒക്കെ കൊടുത്ത് നില്‍കുമ്പോ നിലാവത്ത് അഴിച്ചു വിട്ട കോഴിയെ പോലെ അമ്മച്ചി വന്നു രണ്ട് ഡോസ്...

 “പാതി രാത്രിയാണ് വന്നു കേറുന്നത്... വന്നപാടെ പട്ടിനെ കൊഞ്ചിക്കാന്‍ പോയിരിക്കണ് ... ഞാന്‍ പണ്ടേ പറഞ്ഞാതാണ്... ഈ ജോലിയൊന്നും നമുക്ക് വേണ്ട... വല്ലോ ബാങ്കിലും ആയിരുന്നെങ്കില്‍... രാവിലെ പോയി വൈകിട്ട് വരാരിന്നു.... നാട്ടപാതിരാത്രി വരെ നിന്നെ കാത്തിരിക്കാന്‍ ഒന്നും എനിക്ക് വയ്യാ... ......................വല്ലോനേം കെട്ടി വല്ലടത്തും പോയ്ക്കോണം (കട്ട കലിപ്പ് !! x-( )... ( അവസാനത്തെ sentence പറയാനായിരുന്നു...  ജ്വോലി .. രാത്തിരി... എന്നൊക്കെ മുഖവുര :-/ ചുമ്മാ Show Show !! :P )

“ വല്ലോനും Trainനു തലവെക്കാന്‍ തയ്യാറായി മുന്നോട്ടു വന്നാലല്ലേ എനിക്ക് RISK എടുക്കാന്‍ പറ്റോള്ളോന്ന് എത്രകാലമായിട്ടു പറയുന്നെന്റെമ്മച്ചീ ( എന്നെ പാതിരാത്രി വൈലന്റാക്കും x-( )

 “ഇതും രാവലെ പോണ ജോലിയാമ്മച്ചീ... റിലീസ്‌ അടുത്തോണ്ടാ....!!” (ക്ഷമ Mode)

 ങാ ഒരു റിലീസ്‌... അവള് വല്യ ആഷിക് അബു... :-/ ന്നു ഒരു കിലോ പുച്ഛം ഒക്കെ വരുത്തി അമ്മച്ചി ചോറ് വിളമ്പും....

 റിലീസ്‌ എന്ന് പറഞ്ഞാല്‍ Developersസിനു മൂട്ടില് മാലപടക്കം വെച്ച് നടക്കണ ദിവസങ്ങളാണെന്ന് അമ്മച്ചിക്കറിയില്ലല്ലോ.... ഞാന്‍ പിന്നെ ജന്മനാ അതിഭാഗ്യവതി ആയതു കൊണ്ട്... പുരികത്തു കൊള്ളനുള്ളത് കിറുകൃത്യം കൃഷ്ണമണീടെ ഒത്ത നടുക്കെങ്കിലും തറച്ചു കയറും.. ഇത്തവണത്ത റിലീസില്‍ എന്‍റെ സൊന്തം രണ്ട് പണികള്‍ ആണ് വെളിച്ചം കാണാന്‍ ഒള്ളത്... ആരൊക്കെ എങ്ങനൊക്കെ തലേം കുത്തി നിന്ന് ടെസ്റ്റ്‌ ചെയിതതായാലും ... പ്രൊഡക്ഷനില്‍ ചെല്ലുമ്പോ എവിടെ പൊട്ടും... എപ്പ പൊളിയും എന്ന് ആര്‍ക്കും പ്രവചിക്കാന്‍ പറ്റീന്ന് വരില്ല.... അതൊക്കെ പറഞ്ഞാല്‍ അമ്മച്ചിക്കെവിടെ മനസിലാവാനാ.... പാവം ഞാന്‍ ...

 പിന്നെ പതിയെ ഫുഡടി session ലേക്ക് കടക്കുകയായി ... അടുക്കളയില്‍ കയറി .. അമ്മച്ചി വിളമ്പി വെച്ചിരിക്കുന്ന ചോറും മോര് കാച്ചീതും മീന്‍ വറുത്തതും dates അച്ചാറും കൂടി ഒരു പിടി പിടിക്കുമ്പോഴാ... അന്വേഷിക്കണത്...

 അമ്മാ ചാലുമോളെവിടെ ???

 ചാലുമോള് ഒറങ്ങി ....

 കൊരങ്ങിപെണ്ണ് ഞാന്‍ വരണതിനു മുന്നേ കിടന്നുറങ്ങിയേക്കണ് .... ഓഫീസിലെ ഇന്നത്തെ ഒരു ലോഡ് കഥയും കൊണ്ടാ ഞാന്‍ വന്നത് ... plateറ്റും എടുത്തു BedRoom ല്‍ ചെന്ന് നോക്കിയപ്പോ ..സംഗതി സത്യാ ... ഞാന്‍ കഥാ പറയാന്‍ തുടങ്ങിയാല്‍ നേരം വെളുത്താലും ഉറങ്ങാന്‍ പറ്റില്ലന്നു മുന്‍കൂട്ടികണ്ടു മൂടി പുതച്ചു ഉറങ്ങുന്നു കൊരങ്ങി :-/ മനസില് മൊത്തം കഥയും കൊണ്ട് നടക്കനതിന്‍റെ  ബുദ്ധിമുട്ട് എനിക്കല്ലേ അറിയൂ ....

 അത്താഴം കഴിഞ്ഞു ലാപ്പി ടോപ്പിയെ എടുത്തു മടീല് വെച്ചു ... Facebook തുറന്നു വെച്ചു മൊത്തത്തില്‍ ഒന്ന് സ്ക്രോള്‍ ചെയ്തു നോക്കി നെടുവീര്‍പെട്ടു ഇരുന്നപോഴാ ഓര്‍ത്തത്‌ സൂസമ്മ, അശ്വതിടെ കാര്യം പറഞ്ഞത് ഓര്‍ത്തത് ... പണ്ട് ബഡാ ദോസ്തായിരുന്നെങ്കിലും .. ലവളെ ഞാന്‍ ഇതുവരെ ഫേസ്‌ബുക്കില്‍ കേട്ടീട്ടില്ല .... പഴേ കൂട്ടാരി അല്ലേ?? അങ്ങനെ തപ്പി .. അശ്വതി ദേവരാജ് ... ദേവരാജ് അവടെ അപ്പനാ ...അശ്വതി ദേവരാജ് പോയിട്ട് നാട്ടിലെ അശ്വതിമാരെ മൊത്തം തപ്പീട്ടു ലവളെ കിട്ടീല .. അങ്ങനെ വിട്ടാല്‍ പറ്റില്ലല്ലോ .. സൂസമ്മക്ക് നാട്ടപാതിരാത്രി തന്നെ മെസേജ് വിട്ടു ..."ലവളെ ഫേസ്‌ ബുക്കില്‍ കാണാനില്ല ... എനിക്കിപ്പ കിട്ടണം ലിങ്ക് ...!!" ഒറ്റ വരിക്കു reply വന്നു ... "അശ്വതി ദീപു" !! .... ഹോ ഇവളും !! എനിക്ക് ഒട്ടും മനസിലാകാത്ത ഒരു കാര്യമാണ് ... പങ്കിമോള്‍ പൌലോസ് !! ഇന്നലെ കണ്ടോ ഏതോ ഒരു 'പിച്ചാത്തിമുത്തു' !!ന്‍റെ താലി കഴുത്തില്‍ വീണു നേരം ഒന്നും ഇരുട്ടി വെളുക്കണതിനു മുന്നേ .. പത്തിരുപത്തഞ്ചു വയസു വളര്‍ത്തി വലുതാക്കിയ അപ്പനെ മറന്നു ഫേസ്‌ ബുക്കില്‍ പേര് അപ്ഡേറ്റ് ചെയ്യും .... "പിങ്കിമോള്‍ പിച്ചാത്തിമുത്തു" ... ഇതൊക്കെയാണ് അപ്പ കണ്ടവനെ അപ്പാന്നു വിളിക്കണ ടീംസ് ...!! പുച്ഛം !!

 ഉറക്കം വന്നു തുടങ്ങി ... നാളെ പത്രണ്ട് മണിക്കേ പൊങ്ങുന്നൊള്ളൂ...!! രണ്ടു മണിക്ക് കിടന്നിട്ടു രാവിലെ അഞ്ചു മണിക്ക് എണിക്കാന്‍ എനിക്ക് വട്ടാണോ ??? അതും ശനിയാഴ്ച ...... എന്ന്‌ പറഞ്ഞു കിടന്നതാ .. പഷേ ഏഴു മണി ആയപ്പോ ഒരു ഉള്‍വിളി ... ചാലുമോള് രാവിലെ എണിറ്റു പരിപാടികള്‍ തുടങ്ങി കാണും ... അമ്മച്ചി അപ്പീസില്‍ പോയാല്‍ മോള് ഒറ്റക്കാകും ... എണിറ്റു .... മസില് പിടിച്ചു വീട് മൊത്തം നോക്കി .... കാണുന്നില്ല .. കര്‍ത്താവേ ... വല്ലടത്തും തലേംകുത്തി വീണോ ??? ഒരു അനുസരണയില്ലാത്ത പെണ്ണാ ... x -(

 പിന്നിലെ വാതില് തുറന്നു കിടക്കണ്.... മസില് പിടിച്ചു .. അങ്ങോട്ട്‌ ചെന്നപോഴുണ്ട് .... ചാലു ,അപ്പറത്തെ ബ്ലിങ്കിയെ എറിയാന്‍ കല്ലും എടുത്തു വെച്ചു ഉന്നം നോക്കുന്നു ...

 ബ്ലിങ്കി !! അവള് ഒരു പീസാ ... അപ്പര്‍ത്തെ വീട്ടിലെ അച്ചുചെര്‍ക്കന്‍ .. രണ്ടിലാണ് പഠിക്കണതെങ്കിലും കുരുത്തകേടില്‍ Phd ചെയ്തോണ്ടിരിക്യാ ആശാന്‍ !! .... പൂച്ച എന്ന്‌ പറഞ്ഞാല്‍ അവനു ജീവനാ ....ജീവന്‍ എന്നൊന്നും പറഞ്ഞാല്‍ പോരാ .. പൂച്ചയെ കിട്ടിയാല്‍.... അതിന്‍റെ പിന്നാലെ നടന്ന്.. അതിനെ പിടിച്ചു ... മസാജ് ചെയിതു.. ചവിട്ടി തിരിമി .... കല്ലില്‍ അടിച്ചു അലക്കി കുടഞ്ഞ്‌ അയയില്‍ വിരിച്ചു ഉണക്കും ... !!... സത്യം !! ആ ചെര്‍ക്കനു പൂച്ചയെ കണ്ടാല്‍ എന്തിന്‍റെ സൂകേടാണെന്ന് എനിക്കിതുവരെ മനസിലായിട്ടില്ല ... പൂച്ചേനെ കിട്ടിയാല്‍ അതിനെ മസാജ് ചെയിതു maximum പീഡിപ്പിച്ചു വാലിനെ ഒരു പന്ത്രണ്ടായിട്ട് ഓടിച്ചു ....ഞെക്കി ...പിദ്ക്കി... മസാജ് ചെയിതു മസാജ് ചെയിതു..... എങ്ങാനും ഇനിയൊന്നു തൊട്ടാല്‍ വായീന്നും മൂട്ടീന്നും 'കൊടലും പണ്ടോം ഷേക്ക്‌! ' വരണ വരെ പീഡിപ്പിക്കും ചെര്‍ക്കന്‍ അതിനെ ... പഷേ അവന്‍ ഈ പീഡിപ്പിക്കണത് മൊത്തം വല്ലോരുടെയും പൂച്ചയെ ആയിരിക്കും .... അങ്ങനെ അയലുവക്കത്തുകാരോക്കെ കൂടെ ജെസ്സി ചേച്ചിനെ കണ്ടു കാര്യം പറഞ്ഞു ... "നിങ്ങടെ മോന്‍ ഈ വാര്‍ഡിലെ മൊത്തം പൂച്ചകളീം ഞെക്കി കൊന്നോണ്ടിരിക്ക്യാ ... ഈ പോക്ക്‌ പോയാല്‍ ഇവന്‍റെ കൈ ഞങ്ങള് അടിച്ചു ഓടിക്കു"മെന്ന് ... ചേച്ചി അടുത്ത ദിവസം തന്നെ .. കൂട്ടുകാരീടെ വീട്ടില്‍നിന്നു ഒരു വെള്ള പൂച്ചയെ കൊണ്ട് വന്നു ... വെള്ള എന്ന്‌ പറഞ്ഞാല്‍ വെള്ള!! .. കണ്ണിനു ചുറ്റും പിന്നെ മൂക്കൊക്കെ ചുവന്നു ....വെളു വെളൂന്ന് ബ്ലിങ്കസ്യാന്നു ഇരിക്കണ ഒരു തൊലിഞ്ഞ ചാവാലി പൂച്ച .... അങ്ങനെ 'ബ്ലിങ്കസ്യാ' ന്നു ഇരിക്കണതുകൊണ്ട് ഞങ്ങള്‍ അതിനു 'ബ്ലിങ്കി' ന്ന് പേരിട്ടു :-/ പഷേ ഈ കാപാലകന്‍റെ കാര്യം ഏതോ പീഡനത്തിനിരയായ പൂച്ച, നേരുത്തേ തന്നെ ബ്ലിങ്കിക്ക് റിപ്പോര്‍ട്ട് കൊടുത്തു കാണണം .. അത് കൊണ്ടായിരിക്കണം ... അച്ചുനെ കാണുമ്പോ ബ്ലിങ്കി ജീവനും കൊണ്ട് ഓടി രാജ്യം വിടുന്നത് ... ആആആആആ പാവം പെണ്ണ് ആആആആ ചെറുക്കനെ കാണാതെ ഞങ്ങള്‍ടെ മതില് വന്നിരുന്നാല്‍ മതി .. ചാലു, കല്ലും കൊണ്ട് ചാടി പുറപ്പെടും ....



ചാലുനാണെങ്കില്‍ പൂച്ച എന്ന്‌ പറഞ്ഞാലേ ചോര തിളച്ചു മറിഞ്ഞു പതഞ്ഞു കവിഞ്ഞൊഴുകും .... (അതൊക്കെ വല്യ കഥകളാ!!)

 " ചാലു മോളെ .... " ന്ന് വിളിച്ചതും കല്ല്‌ താഴെ ഇട്ടു നല്ല കുട്ട്യായി എന്നോട്...

 " എടി അതിങ്ങോട്ടു കേറി വരുന്നു ... " ങാ ഒരു വല്യ പരാതി .. ആ പാവം പൂച്ച ഒന്ന് ഇങ്ങോട്ട് വന്നാല്‍ എന്ത് സംഭാവിക്യോ ?? :-/

 കര്‍ത്താവേവേവേവേവേ .. എന്‍റെ കണ്ട്രോള് പോണു .... "ചാലു ഇന്നത്തെ പാത്രം എവിടെ ??????" അയ്യോയ്യോയ്യോയ്യോയ്യോയ്യോ ന്‍റെ ആമ്മാച്ചീ .... മസില് പിടിച്ചു ഞാനിപ്പ മരിക്കും !! ... ചാലു അകത്തേക്ക് ഓടി .... ഓടി പോയി പത്രം എടുത്തു കൊണ്ട് വന്നു പത്രം കൈയ്യില്‍ വെച്ചിട്ട് .... "ആ അപ്പന്‍റെ അതെ ശീലമാണ് പെണ്ണിന് .... പത്രം കിട്ടിയാലേ അപ്പിയിടൂ ".. പത്രമില്ലാതെ രാവിലെ toiletല്‍ വിലപെട്ട സമയം പാഴകുന്നവരോട് എനിക്ക് പുച്ഛമാണ് .... പത്രം വരാത്ത ദിവസം ആണെങ്കില്‍ പഴേ വനിത യൊക്കെ വെച്ച് അട്ജസ്റ്റ് ചെയും ... എന്നാലും അവിടെ പോയിരുന്നു എന്തെങ്കിലും വായിച്ചില്ലെങ്കില്‍ ഒരു തൃപ്തി കാണില്ല .. ഇതൊക്കേ ഈ ആയിരത്തി തൊള്ളയിരത്തി മുപ്പതു മോഡലിനു പറഞ്ഞാല്‍ മനസിലാകുവോ ???


 ങാ ഇ ചാലു മോള് വെക്കേഷന് വീട്ടില്‍ വന്നു നില്‍ക്കാണ കസിന്‍ കൊച്ചല്ല !!...

 ന്‍റെ സാക്ഷാല്‍ അച്ചമ്മ !!

 ഡാഡിന്‍റെ അമ്മ !!...

 1930 മോഡല്‍ !!

സ്വാതന്ത്ര്യം കിട്ടണതിനു മുന്നേ സായിപ്പിന്‍റെ വീട്ടില്‍ tOmatO ചെടി ആദ്യമായി കണ്ട വ്യക്തി .. അന്ന് അതിനു YUCK മണം ആയിരുന്നോണ്ട് ദൂരെ കളഞ്ഞ മഹത് വ്യക്തി ഇപ്പോ Tomato ഇല്ലെങ്കില്‍ രസം വെക്കില്ല ... പണ്ട് തിരോന്തരത്തെ ഒറ്റ റോഡു പോലും ടാര്‍ ഇടാത്ത കാലത്ത് കാളവണ്ടിയില്‍ ആശുപത്രിയില്‍ പോയ അച്ചമ്മ ... 8 രൂപയ്ക്കു വാങ്ങിച്ച സ്വര്‍ണ മൂക്കുത്തിയും കമ്മലും ഇന്നും കളഞ്ഞിട്ടില്ലെങ്കിലും ... ഇവിടത്തെ സകല പഴകടയില്‍ മുന്തിരി ഫ്രീ ആയിട്ടു കൊടുത്താലും Reliance Fresh പോയി Seedless Grapes വാങ്ങുന്ന ചാലുമോള് ...


 ........ ചാലുമോളും കുസൃതികളും 

                            Coming Soon ....

ഈ ബ്ലോഗില്‍  ആദ്യമായി വരുന്നവരോട് ആദ്യമേ പറയാം ... ഇതില് ലോജിക്കും ഫ്ലോയും ഒന്നും പ്രതീക്ഷിക്കരുത് ... "വായില് വരുന്നത് കോതക്ക് പാട്ട് !! " അതാണ്‌ എന്‍റെ മുദ്രാവാക്യം ...

Here it goes....

ഞാനിങ്ങനെ നോക്കുവാരുന്നു... നല്ലോണ്ണം ഓടി കൊണ്ടിരുന്ന കാലത്ത് ബ്ലോഗ്‌ ഡിലീറ്റു ചെയിതു .. പിന്നെ ഒരു ഒന്നൊന്നര വര്‍ഷം അക്ഞാതവാസം ... കൂട്ടുകാരൊക്കെ പറഞ്ഞു പറഞ്ഞു അനുശോചിച്ചു വീണ്ടും ബ്ലോഗ്‌ create ചെയിതു ഒരു പോസ്റ്റും ഇട്ടു മുങ്ങീട്ടു നാളിത്തിരി ആയി ... എന്നിട്ടും എന്നെ മറക്കാത്ത ചിലര്‍ ...
 
 പക്ഷേ.... സമയമില്ല!!
കഴിഞ്ഞദിവസം ഫുഡ് കോര്‍ട്ടില്‍ ഹാഫ്കള്ളനുമായി ലഞ്ച് അടിച്ചു കൊണ്ടിരുന്ന നേരത്ത് ലെവന്‍ എന്‍റെ ബ്ലോഗ്‌ ചരിത്രം ഒക്കെ കുഴി തോണ്ടിയെടുത്ത് അനുശോചിച്ചു... ആങ്ങനെ വെജ് പുലാവിനും ചിക്കന്‍ ടിക്കാ മസാലക്കും ഞമ്മടെ pulpy orangeനും ഒപ്പം കൊച്ചുത്രേസ്യയും കായംകുളം അരുഞ്ചേട്ടനും ആഷ്ലികൊച്ചേട്ടനും ഒക്കെ ചര്‍ച്ചാവിഷയമായി.... എനിക്ക് അസൂയ തീരെ ഇല്ലെങ്കിലും കുശുമ്പിന്‍റെ അംശം ചോരയില്‍ ഇത്തിരി ഉള്ളതിനാല്‍ തീരെ സഹിച്ചില്ല.... പോരാത്തേനു ആ വിനു സേവിയര്‍ നെ പറ്റി ഓര്‍ക്കുമ്പോ ... അവന്‍റെ ബ്ലോഗെഴുത്ത് എനിക്ക് തീരെ രസിക്കാറില്ല... ഞാന്‍ എഴുതി കൊണ്ടിരുന്ന കാലത്ത് മൂക്ലയും ഒളിപ്പിച്ചു വള്ളി നിക്കറും  ഇട്ടു നടന്ന ചെര്‍ക്കനാ... ആ അവന്‍റെ പേജ് ഹിറ്റ്‌ കാണുമ്പോ എന്‍റെ ... ചെവീ കൂടി പൊഹ വരും ... പൊഹ!!... ങാ പോട്ട്...



ഒരു  പോസ്റ്റ്‌ ഇടാം എന്ന് വെച്ചാല്‍ സമയം വേണ്ടേ???

ഉണ്ടാരുന്ന ജ്വോലി രാജി വെച്ചു... അടുത്ത ജോലി കണ്ടു പിടിച്ചു...!! 
  
മോങ്ങാന്‍ ഇരുന്ന പട്ടീടെ മണ്ടേ കൂടി നിറയെ തേങ്ങാകുലയുമായി നിന്ന തെങ്ങ് കട പുഴുകി വീണു എന്ന് പറഞ്ഞ കണക്കു.. ചാടി വന്ന കമ്പനി ഒരു സുപ്രഭാതത്തില്‍ പൂട്ടി.. 

നുമ്മ പെരുവഴി ആധാരം... !!

ആ കമ്പനി പൂട്ടുന്നതിന് മുന്നേ ... ഹാഫിന്‍റെ കൂടെ  പാഷന്‍ഫ്രൂട്ടില്‍ പോയി എയ്ഞ്ചല്‍ ഡിലയ്റ്റ് കഴിക്കുമ്പോ 7th Floor ലേക്ക് നോക്കി പറയുമായിരുന്നു... " അഹങ്കാരം കൊണ്ട് പറയുവല്ലഡാ കൊരങ്ങാ ... എനിക്ക് നിന്‍റെ കമ്പനിയോട് വന്‍ പുച്ഛമാണ്... നീ വേഗം കളഞ്ഞിട്ടു ചാടാന്‍ നോക്ക്..." എന്ന് ..... ഉം മുകളില്‍ എല്ലാം കേട്ട് കൊണ്ടിരുന്ന കര്‍ത്താവ് എനിക്കിട്ടു പണിഞ്ഞു... ദിവസങ്ങള്‍ക്കുളില്‍ ഞാന്‍ പണി ചെയിതു കൊണ്ടിരുന്ന കമ്പനി പൂട്ടുകയും പത്തിരുപതു കുഞ്ഞുകുഞ്ഞ്‌  കമ്പനിയില്‍  interview നു പോവുകയും .... അവരെന്നെ "മന്ദബുദ്ധി" എന്ന് മുദ്രകുത്തി "GetOutHouseeeeeeeeeeeeee......" അടിക്കുകയും ... ലെവന്‍റെ കമ്പനിയില്‍ walk in വരുകയും ... ലവന്‍റെ ഒറ്റ നിര്‍ബന്ധത്തില്‍ പൂര്‍വാധികം പുച്ഛത്തോടെ ഇന്റര്‍വ്യൂനു പോവുകയും ... പത്ത് നൂറു പേര് വന്നതില്‍ എന്നെ അവര്‍ "Bumber Shooper Megaa... അതിബുദ്ധിമതി" എന്ന് കണ്ടെത്തുകയും എന്‍റെ പഴയ ശമ്പളം വെച്ച് നോക്കുമ്പോള്‍ ഏതാണ്ട് ലോട്ടറി അടിച്ചത് കണക്കു ഒരു ഓഫറും തന്നു വേഗം ജോയിന്‍ ചെയ്യാന്‍ കല്പിക്കുകയും ചെയിതു... അന്ന് എനിക്ക് ജോലി കിട്ടിയപ്പോള്‍ എന്നെകാട്ടിലും സന്തോഷം ഹാഫിനു തന്നായിരുന്നു .... " നിനക്കിങ്ങനെ തന്നെ വരണം .. പുച്ഛം അല്ലേ ??? ... അനുഭവിക്ക് " !! എന്ന് ലവന്‍ ...

  തറയില്‍ നിന്നു ഉറുമ്പ് കടി കൊള്ളുന്നവന് ആനപുറത്തരിക്കനവനോട് തോന്നുന്ന പുച്ഛമാണ് ഇതെന്ന് ആ കൊരങ്ങന് അറിയില്ലല്ലോ .. :-/



എന്തായാലും ലൈഫ് കുറെ ഒക്കെ മാറി .... PHP ഇല്ലാത്തൊരു ജീവിതമില്ലന്നും പറഞ്ഞു നടന്ന ഞാന്‍ .... UI developer ആയി ചെന്നത് java യുടെ വായിലേക്ക് ....മൂക്കിട്ടു സകല ചില്ലക്ഷരവും കൂട്ടക്ഷരവും ഇമ്പോസിഷന്‍ എഴുതേണ്ടി വന്നെങ്കിലും ... അവസാനം എന്താണ്ട് ഒരു വഴിക്കായി....



തിരക്കായി ...



.... സമയമേയില്ലതായി  ...


എങ്ങനെ ??? അമരക്കയിലും പരിസരത്തും കുറേ എണ്ണം രാവലെ  ഒരു പിടി കാര്‍ഡും എടുത്തോണ്ട് ഇറങ്ങി കടം മേടിച്ചു കൂട്ടിയിട്ട് സ്കോര്‍ നോക്കാന്‍ ഫോണ്‍ എടുത്തു വെച്ചു തോണ്ടി നോകൂലേ ??? ങാ  പോട്ട്  ..  പത്ത് പതിനാറു മണികൂര് അപ്പീസി കുത്തി ഇരുന്നിട്ട് രാത്രി  പന്ത്രണ്ടു മണി ആകുമ്പോഴേ വീട് പിടിക്കാറുല്ലെങ്കിലും... ഉറക്കം വരണമെങ്കില്‍ അന്ന് daily scrum callല്‍ കേട്ട സായിപ്പിന്‍റെ പുഴുങ്ങിയ ചൂട് ചേമ്പ് വായിലിട്ട കണക്കുള്ള "ഴഴഴഴഴ ഴഴ ഴഴ ഴഴ ഴഴഴ.... !@#$%^&* !!"  തെറി ഓര്‍ത്തു കിടക്കണം ...
 

  എന്നും ഒരു വന്‍ ശൂന്യത എന്‍റെ മുന്നില്‍ വന്നു നെഞ്ചും വിരിച്ചു നില്‍കുമെങ്കിലും... സായിപ്പിന്‍റെ തെറിയും team matesന്‍റെ ചൊറിയും... ഹാഫുമായിട്ടുള്ള അടിയും ആണ് ഇപ്പോ എന്‍റെ routine .... ഇതും മൂന്നും ഇല്ലെങ്കില്‍ ഞാന്‍ എകാന്തതയുടെ അപാര തീരം..... പാപാപാപാടി പാപാപാടി... ശംഖുമുഖം കടാപ്പുറത്തൂടെ നടന്നേനേ.....

അപ്പോ ...തല്ലുകൊള്ളിക്ക്‌ എന്താ അപ്ഡേറ്റ്‌സ്‌ എന്നു വെച്ചാല്‍... ഇപ്പോ എന്നെ കാണുന്നവരും പഴയ പരിചയകാരും കൂട്ടുകാരും ഒക്കെ കാണണപാടെ ചീത്ത വിളിക്കാന്‍ തുടങ്ങിയേക്കുവാണ്‌...Ofcourse കൈയ്യിലിരിപ്പു തന്നെ കാരണം... സംഭവം എന്താന്നു വെച്ചാല്‍, എന്നിക്കുള്ളതിനെ കാട്ടിലും ഫാന്‍സുള്ള... എന്റെ കൂട്ടുകാരുടെ ഭാഷയില്‍ പറഞ്ഞാല്‍...എന്റെ ..സെക്‌സി ഹെല്‍തി ഷൈനി സില്‍കി വേവി ഹെയറിനു നു കത്രികവെച്ചു...ചുമ്മ മുറിച്ചുകളഞ്ഞു എന്നു പറഞ്ഞാല്‍ പോര.. കരിമ്പിന്‍ കാട്ടില്‍ കാട്ടാന കേറിയ കണ്ടീഷനാക്കി... :P

 എന്റെ കേശഭാരത്തിനു ഇതിനും മാത്രം ഫാന്‍സ്‌ ഉണ്ടായിരുന്നെന്നു അറിഞ്ഞപോള്‍ രോമാഞ്ചം വന്നു ഹോ...എന്നോട്‌ സംസാരിച്ചിട്ട്‌ പോലുമില്ലാത്ത ചില തമിഴന്മാരു പോലും ഘേദം പ്രകടിപ്പിച്ചു..

 അപ്പോ പിന്നെ ഇതു ഒരു പോസ്റ്റാക്കിയേക്കാം എന്നു കരുതി... ഫ്ലാഷ്ബാക്ക്‌...

ങാ... ഇന്നും 80കളിലെ മലയാളം സിനിമകള്‍ ടി വിയില്‍ കാണിക്കുമ്പോള്‍ നമ്മളു കുത്തിയിരുന്നു കാണും...സുഖമോ ദേവി...തലേണമന്ത്രം...ക്ഷണകത്ത്‌.. അങ്ങനെ കുറേ സിനിമകള്‍.... കാരണമുണ്ട്‌...ആ സിനിമകള്‍ ഷൂട്ട്‌ ചെയിത കാലഘട്ടങ്ങളില്‍ ഞാന്‍ അതുവഴി ഒക്കെ ഓടി ചാടി മതിലുകേറി നടന്നതാ...അതൊക്കെ കാണുമ്പോള്‍...ഒര്‍മ്മകള്‍ ഇങ്ങോട്ട്‌ വന്നിട്ട്‌ എന്നെ അങ്ങ്‌ നോസ്റ്റാള്‍ജിയയില്‍ മുക്കി കൊല്ലും...പാവം ഞാന്‍...ഇപ്പോ അതോക്കെ എന്തിന്നാ പറഞ്ഞത്‌ എന്നു വെച്ചാല്‍.. ആ കോളാനിയിലെ ഒരു അറിയപെടുന്ന മൊട്ടയായിരുന്നു ഞാന്‍... കഴിഞ്ഞ മാസം കൂടി അവിടെ ഒരു കല്യാണത്തിനു പോയി... ചെന്നപോഴുണ്ട്‌... ഒരു വല്യമ്മച്ചിക്ക്‌ എന്നെ ഓര്‍മയില്ല...ഉടനെ അമ്മച്ചിയ്യുടെ മോളു വന്നു പരിചയപെടുത്തുണു..

" അമ്മച്ചിക്ക്‌ ഓര്‍മയില്ലേ റ്റിന്റുനേ.. നമ്മുടെ വര്‍ക്കിയുടെ വീടിന്റെ എതിരെ താമസിച്ചിരുന്ന ___സാറിന്റെ മോളേ.. എന്നും സ്കൂളില്‍ പോകാന്‍ നേരം കരയണ മൊട്ടകുട്ടി" അമ്മച്ചിക്ക്‌ ഉടനെ കത്തി.. 

" ഇവളങ്ങ്‌ വളര്‍ന്നല്ലോ " അമ്മച്ചിയെന്നല്ല അവിടെ ആരും എന്നെ മറന്നിട്ടില്ല.. എങ്ങനെ മറക്കും.... എന്നും രാവിലെ 9:15 നും 9:30 നുമിടയില്‍ ഡെയിലി എന്റെ വക കലപരിപാടി ഉണ്ടാവും..."എനിക്കു സ്കൂളില്‍ പോണ്ടായേ...." ന്നു ഒറ്റ കാറലാ.. ആരു കേള്‍കാന്‍ പോണു... അമ്മ എന്നെ വലിച്ചു സ്കൂളില്‍ കൊണ്ട്‌ ചെന്ന് വിടും...തൊണ്ട പൊട്ടി കാറലു അല്ലേ പോകുന്ന വഴിയിലെ ആളുകളു ഒക്കെ നോക്കി നില്‍കും...ഹോ അതോക്കെ ഒരു കാലം...

അന്നു എനിക്കു ഒന്നാന്തരം മൊട്ടത്തലയാണു...കുഞ്ഞിന്റെ എലിവാലു കണക്കുള്ള മുടി പോയിട്ട്‌ നല്ല പനങ്കുല വരട്ടെ ന്ന ഒറ്റ ഉദേശം കാരണം എന്റെ തല കൊണ്ട്‌ പോയി ഷേവ്‌ ചെയിച്ചു... അന്നു സുന്ദരിയും സുമുഖിയുമായിരുന്ന ഞാന്‍ ഒന്നാം ക്ലസ്സില്‍ നിന്നു ജയിച്ചു രണ്ടാം ക്ലസ്സിലേക്ക്‌ പോകാന്‍ തുടങ്ങുവാ... ആ നേരാത്താ ഈ കൊടും ചതി എന്റെ മാതാപിതാക്കള്‍ എന്നോട്‌ ചെയിതതു... ക്ലാസ്സ്‌ തുടങ്ങിയപോ എന്റെ തല പറ്റ വെട്ടിയതു പോലെയായി..പക്ഷേ ക്ലാസ്സില്‍ ചെന്നപോഴുണ്ട്‌ അന്നു ക്ലാസ്സ്‌ റ്റീച്ചര്‍ ആയിരുന്ന ശോഭ റ്റീച്ചര്‍ എന്നെ പിടിച്ച്‌ 3 ചെറക്കന്മാരുടെ കൂടെ ഇരുത്തി... അങ്ങനെ ഞങ്ങളു നാലു പേരു... ദേവ്‌, ദീപക്‌,റ്റിന്റു and ആനന്ദ്‌ ... ഇവന്മാരു മൂന്നും ഒറ്റ കെട്ട്‌, ഞാന്‍ ഒറ്റക്ക്‌...ഏതു നേരവും അവന്മാരുടെ 'മുടിയിലാത്ത ഗേള്‍' എന്ന അഭിസംബോദനയും...എന്റെ ഏഴയലുവക്കത്ത്‌ പെണ്‍കുട്ടികള്‍ ഉണ്ടായിരുന്നില്ല... പാവം ഞാന്‍ തനിയെ... ഇന്റര്‍വലിനു ഗ്രൗണ്ടില്‍ കള്ളനും പോലീസും കളിക്കുമ്പോള്‍ ... ദേവും ദീപക്കും എന്നെയും കുട്ടാം എന്നു പറഞ്ഞാലും "വേണ്ടാാാ" ന്നു അനന്ദ്‌ പറയും ... കുരങ്ങന്‍ x-(... എന്തയാലും ആ അവഗണന സഹിക്കാന്‍ വയ്യാതെ കണ്ട്രോള്‍ പോയ ഒരു ദിവസം അവനെ ഞാന്‍ ഗ്രൗണ്ടില്‍ വെച്ചു എടുത്തിട്ട്‌ നന്നായി പൂശി...ചുമ്മാ പൂശി എന്നു പറഞ്ഞാല്‍ പോരാ.. ഇടിച്ചവന്റെ ചങ്ക്‌ കലക്കി വിട്ടു... പിറ്റേ ദിവസം തന്നെ അവന്റെ അമ്മ പരാതിയുമായി വന്നു.. അതിന്റെ അടിത്ത ദിവസം എന്റെ അമ്മയെയും വിളിപ്പിച്ചു... ഹോ എല്ലവരും കൂടെ സംഭവം വന്‍ വിവാദമാക്കി ,പാവം എന്നെ എല്ലവരുടെയും മുന്നില്‍ ഒരു 'പുരുഷപീഡന കേസി'ലെ പ്രതിയായി 
മുദ്രകുത്തി.... അതോടെ അനന്ദിനെ ആ ബഞ്ചില്‍ നിന്നു മറ്റി ഇരുത്തി... 

ഹി ഹി...അതോക്കെ കഴിഞ്ഞ്‌ വര്‍ഷങ്ങള്‍ക്ക്‌ ശേഷം ഡോക്റ്റര്‍ ദേവിനേയും ...വിപ്രോ ബേബി ദീപക്കിനേയും കണ്ടുമുട്ടിയപോള്‍ അവരു ചേദിച്ചത്‌... "എടാ... നീ പണ്ട്‌ നമ്മുടെ അനദിനെ ഇടിച്ചു പഞ്ചറാക്കിയ റ്റിന്റു ആല്ലേ???" എന്നാ... ഹോ എന്തോരു നല്ല ഇമേജ്‌ ... എന്തായാലും ആനന്ദിനെ പിന്നെ കണ്ടിട്ടേ ഇല്ല... മുള്ളന്‍പന്നിയുടെ മുടിയും ഉണ്ടകണ്ണും ഉണ്ടായിരുന്ന ആ ചെറക്കനും 'ചിത്തിര' എന്നു പേരുള്ള അനിയത്തികുട്ടി ഉണ്ടായിരുന്നു... അതു മാത്രമാണു അവനെ പറ്റിയുള്ള ഓര്‍മ...
ങാ... അങ്ങനെ ഞാന്‍ ഒരു അറിയപേടുന്ന ഒരു മൊട്ട കുട്ടിറൗഡിയായിരുന്നു സ്കൂളില്‍....

പിന്നെ കുറേ നാളത്തേക്ക്‌ എനിക്കു പറ്റ വെട്ടിയ തലയായിരുന്നു... അങ്ങനെ.. നാട്ടുക്കരൊക്കെ എന്നെ 'മൊട്ടേ മൊട്ടേ' ന്നു വിളിക്കന്‍ തുടങ്ങിയപോള്‍ എന്റെ അമ്മ തീരുമാനിച്ചു.. 'ഇനി എന്റെ കൊച്ചിന്റെ പനങ്കുല മുടി വളത്തിയിട്ട്‌ തന്നെ ' ബാക്കി കാര്യം.. അങ്ങനെ.. കുറേ പച്ചിലകളും തുളസിയിലയും നെല്ലിക്കയും... ഒക്കെ അരച്ചു വെളിച്ചെണ്ണയില്‍ കാച്ചി എന്റെ തലയില്‍ തേച്ചു പിടിപ്പിച്ചു...അങ്ങനെ മുടി വളരാന്‍ തുടങ്ങി... അതോടെ അമ്മ എന്റെ തലയില്‍ മറ്റ്‌ എണ്ണകളും ഷാംപുവും നിരോധിച്ചു.. കാച്ചെണ്ണയും ചെമ്പരത്തി താളിയും ഒക്കെ ആയിട്ട്‌ എന്റെ പനങ്കുല വളര്‍ന്നു വന്നു.... പത്താം ക്ലാസ്സില്‍ ആയപ്പോഴേക്കും... നമ്മുടെ മഞ്ചുവാര്യരു ഈ പുഴയും കടന്നിലും, ഭാമ കൊച്ച്‌ നിവേദ്യത്തിലും ഒക്കെ നടക്കണ പോലെ നീളന്മുടിയുള്ള ആവറേജ്‌ നാടന്‍ പെണ്ണായി നടന്നു... കുളിപ്പിന്നലും ജിമിക്കി കമ്മലും... ഹി ഹി ഹി.. അതു ഒരു കാലം.... അന്നൊക്കെ എന്നെ മിനുക്കാന്‍ അമ്മ കഴിയുന്നത്ര ശ്രമിച്ചു... ഞാനും വിട്ടില്ല... സഞ്ചരിക്കുന്ന ഒരു ഫാന്‍സി ഷോപ്പായിരുന്നെന്നു തന്നെ പറയാം.... 

പന്ത്രണ്ടാം ക്ലാസ്സ്‌ ഒരു വശപെശക്‌ സ്കൂളില്‍ ആയിരുന്നു...പത്തിലെ സ്റ്റേറ്റ്‌ റങ്ക്‌ ഹോള്‍ഡേസിനൊപ്പം ഒരു മന്ദബുദ്ധി... വന്‍ സ്റ്റ്രിക്റ്റ്‌...അതോടെ അണിഞ്ഞൊരുങ്ങല്‍ ഒക്കെ വെച്ചു കെട്ടി ...ബി എസ്സ്‌ സി ക്ക്‌ മാര്‍ ഇവാനിയോസിലേക്ക്‌ ചേന്നപോഴും.. എല്ലാവരും പാവം കുട്ടികളു...അന്നു ഒരു മഠത്തിലെ കന്യാസ്ത്രീകളുടെ കൂട്ട്‌ മേക്കപ്പും നടപ്പും ഒക്കെ ആയിരുന്നു... എല്ലാവരും സിമ്പിള്‍... ഞാനും സിമ്പിളായി സിമ്പിയളായി അവിടെന്നു ഇറങ്ങിയപോഴേക്കും പൊട്ടും വളയും ഒക്കെ ഉപേക്ഷിച്ച്‌ ഒരു ഫെമിനിസ്റ്റ്‌ രൂപത്തിലായി...പിന്നെ PG ചെന്നുപെട്ടാത്‌ ഒരു കലിപ്‌ സ്ഥലത്തായിരുന്നു, ഇവാനിയോസിന്റെ Extreme Opposite...നാടിന്റെ സംസ്കാരം മനസ്സിലാക്കന്‍ എന്നോക്കെ പറഞ്ഞ്‌ അന്യരാജ്യങ്ങളില്‍ വിളഞ്ഞ വിത്തുകളെ ഇറക്കുമതി ചെയിതിട്ടുണ്ട്‌,ഫാഷന്‍ ഷോക്ക്‌ മോഡല്‍സ്‌ റാമ്പില്‍ കൂടെ നടന്നു വരുന്നതുകണക്കാണു ഒരോന്ന് ആഹാരം കഴിക്കാന്‍ മെസ്സില്‍ വരുന്നത്‌...10cm നീളം ഉള്ള പാവാടയും അത്യാവശ്യഭാഗങ്ങള്‍ മാത്രം കര്‍ട്ടനിട്ട്‌ മറച്ചത്‌ കണക്ക്‌ ഒരു ടോപ്പും ഇട്ടു ഒരോന്നു വരും...അവിടെ മുടി ഒക്കെ നീട്ടി വളത്തി പ്രാകൃതരായിരുന്നത്‌ മലയാളി മങ്കികളായ ഞങ്ങളു കുറച്ചു ചേച്ചിമാരു മാത്രം...ങാ എന്തായാലും അവിടത്തെ തമിഴന്മര്‍ പറയുന്ന second sweetest lake water in the world നെ എന്റെ തലക്കു അങ്ങോട്ട്‌ പിടിച്ചില്ല...എന്റെ മഞ്ചുവാര്യര്‍ മുടി ഒക്കെ ഇളകി കൈയ്യില്‍ വന്നു....അങ്ങനെ അമ്മ കാച്ചെണ്ണ തേച്ചു വളത്തിയ മുടി ഒക്കെ രണ്ട്‌ മാസം കൊണ്ട്‌ പോയി കിട്ടി...എന്റെ മുടി പോയതില്‍ എന്നെ കാട്ടിലും സങ്കടം എന്റെ കൂട്ടുകാര്‍ക്കായിരുന്നു.. അവരു കാണുമ്പോള്‍ കാണുമ്പോള്‍.. "എപ്പടി ഇരുന്ത തല ഇപ്പടി ആയിട്ടേ" ന്നു പറഞ്ഞു അനുശോചനമറിയിക്കാനാന്‍ തുടങ്ങി...എന്തായാലും പോയതിന്റെ double ഒറ്റ വര്‍ഷം കൊണ്ട്‌ വന്നു.. ഓ.. ഇനി കാച്ചെണ്ണ തേച്ച്‌ ഒക്കെ ഇതിനെ വളര്‍ത്താന്‍ എവിടെന്ന് നേരം? എന്നാ പിന്നെ മുറിച്ചേക്കാം എന്നു തീരുമാനിച്ചു...


അങ്ങനെ ഇരിക്കുന്ന സമയതാണു...എന്റെ x-roomie സാറമ്മക്ക്‌ ഒരു മോഹം....അവിടെ ജോയിന്‍ ചെയിത അന്നു മുതല്‍ അവളെന്നോട്‌ പറയുന്ന ഒരു കാര്യമാണു....

 "എടീ ഇത്രയും strict rules ആയ നിലക്ക്‌ ഒരു ദിവസമെങ്കിലും ഇവിടെന്ന് ചാടി പോയില്ലെങ്കില്‍, ഹോസ്റ്റല്‍ ലൈഫില്‍ ഓര്‍ക്കാന്‍ പാകത്തിനു ഒന്നും ഉണ്ടാവില്ല" ന്ന് ...

"ഉവ്വാ.. നീ ചാടി പോയ്ക്കോ, എനിക്കിനിയും ഒരു വര്‍ഷം കൂടെ ഇവിടെ ജീവിക്കാനുള്ളതാ"

അപ്പോ അവളു ഞാന്‍ പേടിതൊണ്ടിയാണൊന്നൊക്കെ പറഞ്ഞ്‌ കുറെ ഡയലോഗ്‌ ഒക്കെ അടിക്കും.... പിടിക്കപെട്ടാല്‍..suspension ല്‍ കുറഞ്ഞ്‌ ഒരു ശിക്ഷയുമില്ല...

" പോടീ... നീ തനിയെ ചാടിയാല്‍ മതി.. ഞാന്‍ എങ്ങും വരുന്നില്ല...."
പിന്നെയും ആലോചിച്ചു.. റിസ്ക്‌ എടുക്കാതെ എന്ത്‌ ജീവിതം??? ചാടികളയാം...

അങ്ങനെ ഒരു പൊങ്കല്‍ അവധി വന്നു ..അന്നു രാവിലെ 7 മണിക്ക്‌ ഞങ്ങളു പുറത്ത്‌ ചാടി ബസ്സില്‍ കയറി സിറ്റിക്കു വിട്ടു...അവിടെ ആകെ മൊത്തത്തില്‍ നമ്മുടെ ഒരു ഓണം കണക്ക്‌...സാറാമ്മക്കാണേലു മമ്മിക്ക്‌ സാരി വാങ്ങണം...റ്റിന്റു മോള്‍ക്ക്‌ hair cut! ഇത്രയും ആണു പരിപാടികള്‍.. തിരിച്ചു 4 മണിക്കു മുന്നേ ഹോസ്റ്റലില്‍ എത്തണം... ആദ്യം ചെന്നൈ സില്‍ക്സ്‌ ല്‍ വെച്ചു പിടിച്ചു...അവിടെ ചെന്നു തിരഞ്ഞു തിരഞ്ഞ്‌ sales gals നെ വട്ടക്കി, violent ന്റാക്കി.. " ഇവിടെ ഇത്രേ ഉള്ളൂ..." ന്നു പറയിപ്പിച്ചു...എനിക്കണെങ്കില്‍ കുറ്റബോധം.. കാരണം ആ കടയിലെ ഷെല്‍ഫില്‍ അടുക്കി വെച്ചിരുന്ന സാരികളൊക്കെ അവളു താഴെ ഇറക്കിച്ചു എന്നിട്ടാ... "വേറെ ഉണ്ടോ" ന്ന് ചോദിച്ചത്‌...അടികിട്ടാതെ വന്നതു മുജന്മ സുകൃതം...

"എടീ... വാ നമുക്ക്ക്കു കല്യാണ്‍ സാരീസില്‍ പോകാം"

"വേണ്ടാ... നീ തനിയേ പോയി അവിടത്തെ സാരികള്‍ താഴെ ഇറക്കിയാല്‍ മതി... സെലെക്റ്റ്‌ ചെയിതിട്ടു വിളിക്കെടി...ഞാന്‍ പോയി തല വെട്ടുന്ന സ്ഥലം കണ്ട്‌ പിടികട്ടെ"

അങ്ങനെ അവിടുത്ത സകല ബ്യുട്ടി പാര്‍ളറുകളിലും പോയി...അവിടെ ഒക്കെ നേരുത്തെ അപ്പോയിമന്റ്‌ വാങ്ങണം അല്ലെങ്കില്‍ തല കഴുകാന്‍ പ്രത്യേകം റേറ്റ്‌ കൊടുക്കണം..നമ്മുടെ ബഡ്‌ജക്റ്റ്‌ അല്ലങ്കിലേ കമ്മിയാണു...

സാറമ്മയേ വിളിച്ചു.. "കഴിഞ്ഞോടി???"

അങ്ങേ തലക്കല്‍ ലോകകപ്പ്‌ കിട്ടിയ സന്തോഷം..." കിട്ടിയെടീ കിട്ടീ..."

അങ്ങനെ ഞങ്ങളു വീണ്ടും കണ്ടുമുട്ടി...അങ്ങനെ നടന്ന് ഒരു കടയില്‍ കേറി അവിടത്തെ ചേട്ടനോട്‌ ചോദിച്ചു വേഗം തല വെട്ടികിട്ടാന്‍ വെല്ലോ കടയും ഉണ്ടോ??? അപ്പോഴുണ്ട്‌ ചേട്ടന്‍...

"ഉണ്ടല്ലോ.. ഈ ബില്‍ഡിങ്ങിന്റെ എറ്റവും മുകളിലത്തെ നിലയില്‍ ഒരെണം ഉണ്ട്‌ "

ഒരു മൂന്നു നില കയറിയപോഴേ വിജനമായ സ്ഥലം... പോരാഞ്ഞിട്ട്‌ ലവളു വായും അടക്കുന്നില്ല... 

"എടി ഈ വഴിയും സ്റ്റെപ്സും ഒക്കെ കണ്ടിട്ട്‌ നമ്മുടെ പോക്ക്‌ വിതുര കിളിരൂര്‍ സൂര്യനെല്ലി റൂട്ടിലാടി...."

എനിക്കു ഒരു പന്തികേടു മണത്തു..

"എന്നാല്‍ വാ തിരിച്ചു പോകാം"

" വേണ്ടടീ... എന്തായാലും ഇറങ്ങി പുറപെട്ടില്ലേ... വായോ"

അങ്ങനെ ഏറ്റവും മുകളിലത്തെ നിലയില്‍ ചെന്നപോഴുണ്ട്‌ ഒരു ബോര്‍ഡ്‌ "____ Gents Beauty Parlour & Saloon"

എന്തയാലും ഞങ്ങളു രണ്ടും കല്‍പിച്ച്‌ കയറി ചെന്നു, അവിടെ കണ്ട്‌ ഒരു ചേട്ടനോട്‌ ചോദിച്ചു...

" അതിനെതാ കട്ട്‌ ചെയ്യുമല്ലോ" 

എന്നോട്‌ കയറി ചെല്ലാന്‍ പറഞ്ഞു...അകത്തേക്ക്‌ കയറിയപ്പോഴുണ്ട്‌ ...കുറേ കരിമാന്തികളെ വൈറ്റ്‌ വാഷ്‌ ചെയിതു ഇരുത്തിയേക്കണു.. വെള്ളരിക്ക ഒക്കെ കണ്ണില്‍ വെച്ചു... കാലം പോയ പോക്കെ...ആണുങ്ങള്‍ക്ക്‌ ഇപ്പോ ഇത്രേം സൗന്ദര്യ ബോധമോ??? ഒരു ചേട്ടന്‍ എന്നെ കൂട്ടികൊണ്ട്‌ പോയി... തല ഒരു സിങ്കില്‍ ഇട്ട്‌ ഷാമ്പുവും കണ്ടീഷണരും ഒക്കെ ഇട്ടു അലക്കി തോര്‍ത്തി നനഞ്ഞ കോഴി കണക്കക്കി ഒരു കസേരയില്‍ കൊണ്ട്‌ ഇരുത്തി...അപ്പോഴേക്കും ഒരു സുന്ദരകുട്ടപ്പന്‍ ഒരു റ്റെയില്‍ കൊമ്പും കത്രികയും കൊണ്ട്‌ വന്നു.. എന്തോരു ഗ്ലാമറാ എന്റെ കര്‍ത്താവേ....

"എങ്ങനെ വെട്ടണം?"

"എനിക്ക്‌ ചേരണത്‌ പോലെ വെട്ടി തയോ അണ്ണാ"

"സെരി മാ"

പുള്ളിക്കരന്‍ ടക്‌ ടിക്‌ എന്നും പറഞ്ഞ്‌ ഒരു 10 വെട്ടു വെട്ടി...ഹെയര്‍ ഡ്രയര്‍ വെച്ചു ഉണക്കി എല്ലാം കൂടി വളച്ച്‌ ഒരു ഹെയര്‍ ക്ലിപ്പും ഇട്ടു വെച്ചു... ഒരു അഞ്ച്‌ മിനിട്ട്‌ കഴിഞ്ഞു വന്ന് ഹെയര്‍ ക്ലിപ്‌ ഇളക്കിയതും ഞാന്‍ തന്നെ അന്തം വിട്ടു.... ഇതു ഞാന്‍ ആണൊ?? എന്റെ തലയാണോ?? എന്റെ തലമുടിയാണോ?? :O

പുറത്തിരങ്ങി...റിസപ്ഷനില്‍ ഇരുന്ന ചേട്ടനു കാശും കൊടുത്തിട്ട്‌ നോക്കിയിട്ടും സാറാമ്മക്ക്‌ ഒരു അനക്കവും ഇല്ലാ...അടുത്തു ചെന്നു...

"എടീ പോക്കാം"

എന്നെ ഒന്നു സൂക്ഷിച്ച്‌ നോക്കിയിട്ട്‌.. " എടീീ നീയായിരുന്നോ????" :O 

നമ്മൂടെ ടോം ആന്‍ഡ്‌ ജെറിയില്‍ തലക്ക്‌ അടികിട്ടുമ്പോ ടോമിന്റെ കണ്ണു സ്പ്രിങ്ങില്‍ പുറത്തു വരണ പോലെ അന്തം വിട്ടു ഒരു നോട്ടം...

" എടീീീീീീീീീീീീീീ... മുടിയായിരുന്നെടീ നിന്റെ വൃത്തികേടു.... മുടിയായിരുന്നു.... ഹോ അങ്ങ്‌ സുന്ദരിയായല്ലോ മോളേ...."

"ഊതിയത്‌ മതി..... മിണ്ടാതെ വാടീ...."

പിന്നെ വൈകിയില്ല... വേഗം ബസ്റ്റാന്റില്‍ പോയി, 95B ഇല്‍ കയറി.. കോളേജിന്റെ മുന്നിലത്തെ സ്റ്റോപ്പില്‍ ഇറങ്ങി.. മുന്നിലത്തെ സ്റ്റോപ്പ്‌ എന്നു പറഞ്ഞാല്‍.. അര കിലോമീറ്റര്‍ അപ്പുറത്തേ സ്റ്റോപ്‌ അല്ല കേട്ടോ??? അഞ്ച്‌ അഞ്ചര കിലോ മീറ്റര്‍ ദൂരം മുന്നത്തെ സ്റ്റോപ്പ്‌.. ഒരു പക്കാ തമിഴ്‌ കവല...അവിടെ ഇറങ്ങി....രണ്ട്‌ സാമാന്യം നീളമുള്ള കരിമ്പ്‌ വാങ്ങി....... ചവച്ച്‌ ചവച്ച്‌ നടന്നു.... .റോഡിന്റെ രണ്ട്‌ വശത്തും കൃഷിസ്ഥലങ്ങളാണു... റോഡില്‍ കൂടി വല്ലപോഴും ഒരു വണ്ടി പോകും... കരിമ്പ്‌,vineyards,sunflower,ചെറിയ ഉള്ളി(shallot).. കറിവേപ്പില...ചോളം... പിന്നെ പല തരം പൂകൃഷി.... ക്യാബേജ്‌...തക്കാളി....ഹോ ആ ദിവസം ഒരിക്കലും തിരിച്ചു വരില്ല.. :( .
.
നടന്ന് നടന്ന് അവസാനം ഹോസ്റ്റലില്‍ എത്തി...വല്യ അവധി ആയിരുന്നതു കാരണം സെക്യൂരിറ്റി ചേട്ടനും അധികം ഒന്നും ചോദിച്ചില്ല...അകത്തു കയറി എന്റെ ബ്ലോക്കിന്റെ സ്റ്റെപ്‌ കയറിയതു..നമ്മുടെ ക്ലാസ്സിലെ ആഫ്രിക്കകാരി കൊച്ചു... ഒരു നിമിഷം എന്നെ നോക്കിയിട്ട്‌ ഓടി വന്നു... "damn gaaaaal... u look pretty!!" ...അവളുടെ അഫ്രിക്കന്‍ രീതിയിലെ സ്നേഹ പ്രകടനവും ഒരു ഉമ്മയും... എല്ലാം പെട്ടെന്നയിരുന്നു.... ഹോ നമ്മളു സംഭവം ആണെന്ന് ആഫ്രിക്കക്ക്‌ വരെ തോന്നിയേക്കണു... അല്ലങ്കിലും അവളുടെ ആങ്ങള ജെയ്‌ക്ക്‌ ബോനേനോ ക്ക്‌ എന്നെ കാണുമ്പോള്‍ എലി പുന്നേല്ലു കണ്ടകണക്ക്‌ ഒരു ചിരിയുണ്ട്‌, അതു കാണുമ്പോള്‍ സാറാ .. "കണ്ടില്ലേടീ.. നിന്റെ ഗ്ലാമര്‍ കണ്ട്‌ ആഫ്രിക്കന്‍ ആണെന്ന് കരുതീട്ടാടീ പാവം.. അവന്റെ ചിരി കണ്ടിട്ട്‌ നിന്റെ ഭാവി അഫ്രിക്കായിലാടി മോളേ..".....തേനിക്കാരന്‍ സുന്ദരമൂര്‍ത്തിയെ കാണുമ്പോഴും അവളു അതു തന്നെ പറയും... "നിനക്ക്‌ തമിഴ്‌ ലുക്കാടി.. നിന്റെ ഭാവി തേനി യിലാടീ".... ന്ന് .. അങ്ങനെ ഞാന്‍ പോലും അറിയാത്ത എട്ട്‌ പത്ത്‌ ചെക്കന്മാരെ അവളു എനിക്കു പതിച്ചു തന്നിട്ടുണ്ടായിരുന്നു...ഏതു നേരവും ഒരോരുത്തരെ നോക്കി "ദേ വരുന്നെടീീ.. നിന്റെ മറ്റേവന്‍" ന്ന് പറഞ്ഞു ഡയലോഗടിച്ചിട്ടേ ഇരിക്കും..

എന്തായാലും എന്റെ പുതിയ തലവെട്ട്‌ എല്ലാവര്‍ക്കും ഇഷ്ടമായി...നാട്ടില്‍ വന്നു എവിടത്തെ ക്ലോറിന്‍ വെള്ളത്തില്‍ പിന്നെയും കുറെ കേശഭാരം നഷ്ടപെട്ടു....എന്നാലും നാലു മാസം കുടുമ്പോള്‍ വെട്ടികൊണ്ടേയിരുന്നു.... അങ്ങനെ വെട്ടി വെട്ടി ഒരു 20 cm മുടിയായി ...വീട്ടില്‍ നമുക്ക്‌ കല്യാണത്തിനു deadline പ്രഖ്യാപിക്കുകയും .അതില്‍ "ഫോട്ടോ കണ്ടു... നിറയെ മുടിയുള്ള ഒരു ഭാര്യയായിരുന്നു എന്റെ സങ്കല്‍പത്തില്‍" എന്നൊരു ഡയലോഗ്‌ എന്റെ മനസ്സില്‍ പതിയുകയും ചെയിതു... ഹി ഹി ...

അങ്ങനെ 5 തവണ തലവെട്ടാനുള്ള കാശ്‌ കൊടുത്ത്‌ ഇവിടത്തെ ഒരു international hairstylist നു തല വെച്ചു കൊടുത്തു...പുള്ളി ഒരോ മുടിയായി അളന്ന് രണ്ടര മണിക്കുറു കൊണ്ട്‌ വെട്ടി തന്നു... വീട്ടില്‍ എത്തിയ എന്നെ കണ്ടതും അമ്മ ഞെട്ടി... 

"എന്തോനാടി ഇതു ,ഇതിനി എന്നു വളരാനാ?????? "

"എടീ നിന്നെ കണ്ടിട്ട്‌ കീമോ കഴിഞ്ഞ കാന്‍സര്‍ രോഗിയേ പോലെ ഉണ്ട്‌ " എന്ന് അനിയത്തികൊച്ച്‌... 

എനിക്കൊഴികെ എന്നെ കണ്ടവര്‍ക്ക്‌ ഒക്കെ എന്റെ തലമുടി പോയതില്‍ സങ്കടമായിരുന്നു... എന്തായാലും മോഫീല്‍! എടുത്ത്‌..evolution of man from monkey ഫോട്ടോ കണക്ക്‌ കുറേ ഫോട്ടോ ഇടുത്ത്‌... ഉള്ളടത്തൊക്കെ അപ്‌ലോഡ്‌ ചെയിതു....പണ്ടത്തെ മഞ്ചുവാര്യര്‍ സ്റ്റെയില്‍ മാത്രം കണ്ടിട്ടുള്ളവര്‍... ചീത്ത വിളിച്ചു...തലമുടി പോണി റ്റെയില്‍ കെട്ടി... നെഞ്ചത്ത്‌ തല്ലുകൊള്ളിത്തരങ്ങള്‍ എഴുതി പിടിച്ചിപ്പ ടി-ഷര്‍ട്ടും ഇട്ട്‌, ഇടത്തേ കൈയ്യില്‍ കുട്ടി clock വലിപ്പത്തിനു ഡയലിള്ള വാച്ചും കെട്ടി,വലത്തേ കയ്യില്‍ രണ്ടര പവന്റെ സ്വര്‍ണ ചങ്ങലയുമിട്ട്‌ capris ന്റെ പോക്കറ്റില്‍ രണ്ടും കയ്യും തിരുകി... "ആരാടാ അവിടെ" ന്ന് ഒരു എക്ഷ്പ്രഷനും മുഖത്ത്‌ പിടിപ്പിച്ച്‌ നല്‍ക്കാറുള്ള താറാമൊട്ടയുടെ ഷെയ്‌പ്പുള്ള പെണ്ണിനെ കണ്ട്‌ പരിചയമുള്ളവര്‍...gaaal.... u look gorgeous!!!!!!!! ന്ന് കാച്ചി...

എന്തായാലും രണ്ട്‌ ദിവസമായിട്ട്‌ അമ്മ പഴയ കാച്ചെണ്ണയും കൊണ്ട്‌ എന്റെ പിന്നാലെ ഉണ്ട്‌...